معدن المصري

معدن المصري

اثناء انتظاري عند كوبري ستانلي شاهدت رجل معه طفلين يقف ليعبر الكورنيش في منطقة من اخطر المناطق لأن الطريق يتسع وينحني و السيارات تكون مسرعة جدا.

علامات البساطة والفقر واضحة على وجه وملابس الطفلين ومعهما سنارة صيد من البوص و الى حد كبير جدا ملابس وهيئة الرجل افضل منهما .

للوهلة الاولى ظننت انه والدهما و يأخذهما في رحلة صيد بسيطة أعلى كوبري ستانلي.

عبر بهما الطريق وسط السيارات المسرعة جدا واثناء ذلك لاحظت طفل ثالث ينتظر على الرصيف الذي في المنتصف ووجدت الرجل يترك الطفلين بعدما عبر بهما ويعود مرة أخرى لطفله الذي كان ينتظره.

!!!!!!!!!!!!

عبر بهما الطريق في هذه المنطقة الخطرة ولم يقل وأنا مالي أو هما إيه اللي جايبهم هنا وانما عاملهم كأنهم أبنائه.

هذا هو معدن المصري ، المعدن الحقيقي الذي تفننت الانظمة المستبدة في طمسه وتغييره.

شكرًا لهذا الرجل الذي لا أعرفه ولكنه أعاد لي ايماني بالشعب المصري بعدما كنت قد كفرت به من قبل.

موتنا في سكاتكم

بسم الله الرحمن الرحيم

1. 
   

1. 
   أنا اللي في الميدان قلتم عليه بلطجي

قلتم عميل.. جبان .. قابض .

وعامل فيها ثورجي

صدقتم اعلام مضلل 

و رجل دين أمنجي

**************

ولما مات الطفل 

قلتم ده م الثوار ؟؟

ولما مات الشيخ 

قلتم بيتفرج 

مش قاصد انه يشارك 

وكأن الثوره عار 

**************

صنعتو كذبكم و قفلتو ودنكم 

كذبتم عينيكم و رفعتم ايديكم 

دعيتم علينا الله يهدكم 

للاسف .. من جهلكم

**************

بتقولوا كنا عايشين ...

دايقين المر وساكتين 

بنتسول .. ونتبهدل ..

وادينا صابرين و شاكرين

حتى في بيوتنا عايشين زي المساجين 

**************

رغيف العيش ظلط و تراب 

و أكلنا ملوث وهوانا هباب 

بيوتنا عشش صفيح 

و خشب مسوس 

ميصدش قصاد الريح 

**************

عيشوا بكرامة 

واستردوا حقوقكم 

السكوت ندامة

و موتنا في سكاتكم

اتحرروا و اتغيروا 

ثورتكم لذاتكم ..

**************

طَرطَشةَ شعبية في نقد الثورة المصرية

بدون مقدمات هذه أمثلة على تلك الطرطشة

...................................................................................

- تبقى ماشي في مظاهرة ولا راكب في مواصلات و تلاقي راجل او ست فوق الستين ومش عاجبهم الثورة و يقولك لما انتم بتتكلموا و عاملين ثورجية كنتم ساكتين ليه التلاتين سنة اللي فاتوا.

يا حاج ويا تيتا أنا عندي ٢٦ سنة بس !!!!!!!

...............................................................

- تلاقي سواق تاكسي ولا ميكروباص بيقول منها لله الثورة خربت البلد و وقفت حالنا !!!
و هو دلوقتي مرحوم من المصالحات " رشوة المرور المقنعة " و من الحضانة اللي كان بيدفع عن اليوم ١٠٠٠ جنيه فيها و كمان بقى بيضاعف الاجرة.

........................................................................

-تلاقي شاب ثلاثيني غير متزوج و مش قادر ماديا و دخله ضعيف و بيلعن ابو الثورة!!! تقوله الثورة دي قامت عشان العدالة الاجتماعية و فلان مثلا بيقبض مليون ونص في الشهر .. يقولك وانت مالك هو بياخدهم من جيبك !!!! 

اه بياخدهم من جيبي و من جيبك و من جيوبنا كلنا.

.......................................................................

- تلاقي صاحب محل بقالة بيقول لحد واقف معاه كل شوية مظاهرة و يوقفوا حالنا !!!
و هو لسه بايع اكل و شرب للمتظاهرين في نص ساعة اكتر من اللي بيبيعه طول الاسبوع.

........................................................................

- تلاقي واحد بيقولك الفيديوهات دي فوتوشوب .. تقوله الفوتوشوب برنامج صور مش فيديوهات يقولك لا بتاع فيديوهات !!!! 

وانت شغال ع الفوتوشوب من ٩ سنين و هو عمره ما سمع عنه الا بعد الثورة و من عمرو مصطفى..

................................................................................

- تلاقي واحد كنباوي بيقولك الثورة عملتلنا إيه يعني ما الحال زي ما هوّ و الفساد زي ما هوّ !!  

هو انت عايز تقعد في بيتكم تلعن في الثورة و تأيد أعدائها و تساهم في وأدها و منتظرها في الاخر تغيرلك الحياة.

...................................................................................

- الجملة الشهيرة لو المجلس مشي مين حايحكم !!!! .

يعني مثلا إحنا ٨٨ مليون راس غنم ولا مصر عدمت نوابغها و اساتذتها و مفكريها .

و نسيتوا انكم كنتم بترددوا نفس الكلمة على المخلوع "ربنا يورينا فيه يوم" وأول ما خلع نزلتم احتفلتم في الشارع !!!

طب مثلا لو مات طقم المجلس كله " والإعمار بيد الله و مفيش حاجة بعيدة عليه عز وجل .. وقولوا أميـــــــــــــــــن :) " حانعمل إيه حانجيب جيمي من طرة يحكمنا مثلا.

 

...................................................................................

- تلاقي عسكري ولا أمين شرطة ولا حتى ضابط بيلعن في ابو الثورة ونفسه يبيد الثوار عن بكرة ابيهم " ممكن تقول حقه عشان اللي اتعمل فيهم يوم 28 يناير :)) " اقولك لأ حتى اللي في مصالح خدمية كمان !!!

مع ان رواتبهم تضاعفت و ساعات عملهم قلت والغيت المحاكمات العسكرية للافراد وده كله بعد الثورة :))
وكمان جايبين لهم عربيات اخر موديل و كمان بي ام دبليو اكس 3 و البلد بتفلس :)).

..................................................................................

طبعا الامثلة كتيرررررررررر بس كفاية دول مؤقتا :)

بفاتحة الكتاب نبدأ 2012

الْحَمْدُ لِلَّهِ رَبِّ الْعَالَمِينَ (1) الرَّحْمَنِ الرَّحِيمِ (2) مَالِكِ يَوْمِ الدِّينِ (3) إِيَّاكَ نَعْبُدُ وَإِيَّاكَ نَسْتَعِينُ (4) اهْدِنَا الصِّرَاطَ الْمُسْتَقِيمَ (5) صِرَاطَ الَّذِينَ أَنْعَمْتَ عَلَيْهِمْ (6) غَيْرِ الْمَغْضُوبِ عَلَيْهِمْ وَلَا الضَّالِّينَ  (7)

آميــــــــــــــــــــن